7月11日，呵呵，阿囝第一天的學校假期就出發去旅行了。希望可以趕緊不用太多人爭先恐後出國旅遊。今次行程相約了老爸老媽一起前行。早上9:00am到達機埸，11:05am起飛。
有了上一年新加坡之旅經驗，今次好熟稔地直到Terminal 2的Jetstar櫃檯。
我跟愛人說：「25kg & 26kg，過重了，我地抽出部份物品再手提帶上機吧。」
之後我地合力抽取了部份重量級物品 hand carry。
我接著說：「每2件只重多了2kg，應該不用額外收費吧！」
結果，我地順利前往check in 並入閘過海關。
好快就到達311閘口了，之後我和愛人和老媽子走上2樓餐廳食早餐，而阿囝就同老爸坐著等。
閘口前有一部汽水機，$8 一支水，而2樓餐廳同一支水要$18，我買了一支，感覺好平 XD
經過地面巴士，跟同上年一樣，我們爽快的坐上jetstar飛機。
3:00pm 順利到達了新加坡Terminal 1 機埸。
經過海關和出閘之後，我地轉乘機埸skytrain前往 Terminal 2 (因為新加坡地鐵MRT 位處T2)
因為今次我地旅程有5個人，新加坡的士只可以4人，我地行程上只好乘坐MTR，另有一番的體會。
到達Changi Airport MRT站，我先去Ticket Office排隊購買八達通卡(ez-link卡)，每張SGD$12 內含SGD$7面值，卡本身SGD$5係無得退回 (因為無退卡)。香港的八達通卡方便很多。
我地一行5人拖個4份行李乘坐地鐵，由阿囝做MRT Manager 負責坐車轉車路線圖 XD
阿囝問：「爸爸，Chinatown點解會叫牛車水呢？」
我正經的答：「Chinatown其實即係我地中國人聚居在一起的一個地區，係外國好多地方都有，又名唐人街呀。」
他回：「我係問，點解叫牛車水呀？」
=__=! 只好唔正常地答：「吾，可能以前新加坡呢個地方，好多牛，又好多車，而咁啱又有水，咪牛車水囉。」
PS. 牛車水名字的由來是當時新加坡沒有自來水，牛車運水情景在唐人街非常普遍，便稱唐人街為牛車水。
我地到達Clarke Quay站(讀音=Card Q, 克拉碼頭) 旁邊就是我地入住的 Swissotel Merchart Court Hotel，此酒店好處是出入MRT方便，隔離有Central Plaza，而酒店旁是出名的Singapore River (今晚將去遊船河欣賞新加坡夜景)。酒店位置很好，步行15分鐘可以走到牛車水。
此酒店於香港不是太出名，所以少一點香港人的身影。入住酒店後，阿囝說：「好想去游泳池游水呀。」
我回：「明早吧，我地先休息一回，之後我地走去牛車水食晚飯和購票呀。」
阿囝回答：「買甚麼票！？」
No comments:
Post a Comment