Day3 北京之旅 (下)

好辛苦由王府井大街去揾到的士 (因為我地4大1小 4件大行李) 分2架的士前往朝陽區(國貿站)雅詩閣. 於出發前計劃左好耐(2個月), 亦揾左好多間不同酒店配合不同要求, 百選之中, 揀選了雅詩閣serviced apartment我覺應該要講多少少給網友知道下詳情.

http://www.the-ascott.com/en/china/beijing/ascott_beijing/apartment_types/3-bedroom_deluxe.html

好得意亦好奇怪, 揾左好多網站(hotels.com / ctrip / hotelcombined, agoda)..., 係agoda最特別.

(1)hotels.com

(2)Agoda.com

圖1 vs 圖2, 同一間房同一type, hotels.com(其他網)要2千幾, 而agoda只係$1421, 我研究左好耐, 發現應該係agoda因為當左2人入住會系統會自動平D, 而當我係agoda選回4人入住, 佢會自動貴番. so我以胆摶胆精神去推測, 只要我checkin時只2人出現, 我應該可以一晚慳番幾百.

而結果, 真係正如我所料,我地以千幾蚊價錢(我4月入住,價錢是$13xx一晚),成功入住了一間2千呎的3房3廁dream house.(多謝Agoda ^^)

同佢官方網頁既相一樣, 的確係好靚, 亦超大.

我地在雅詩閣樓下食過中午飯, 步行幾步到國貿站坐地鐵"再"去天安門東站入宮. 果然, 中午後, 人流無早上咁多. (正如我預料, 如有老有小, 其實食完中午飯, 再入宮晉見係最佳選擇)

老媽說「嘩, 好多人呀, 好鬼怕, 好驚咁多人入故宮呀」

我回 「呢度跟本唔算得上多人了, 想當年我黎時就真係好大鑊 T_T, 依家, 可以好輕鬆咁大步向前行, 而內裡好大, 包保唔會好迫人」

 買故宮入埸票, 再買一個自助講解機($20), 都不用排隊, 輕輕鬆鬆入宮.

 前往午門,過左呢一段先係正式入宮. 

我地採用直線行走路線, 即左右2邊既景點都無去 (如年青力壯者 或 首次故宮者, 不建議學我地 )

我地無去九龍壁, 亦無去故宮必到之鐘表館 (我印象其實幾流)

因為要就住老爸/小兒腳力, 我地行下停下影下相飲下水, 之後直達後宮. (聽自助講解機講, 皇宮之內係專登唔會有一草一木, 之特遣宮廷之氣勢) 而去到後宮御花園先會有細緻草木.

我地休息到下午4:45pm 故宮職員好快咁趕人走 (佢地趕收工), 我地於5:00pm由後門景山公園而出 

此為後門, 收工時走人亦唔係太多人. 

之後我地先打的再駁巴士(坐2個站, 試下坐巴士感受下) 前往前門. 現在的前門一帶已轉變了好多, 亦列為行人專用區.

我地一路向南方向直落, 去到出名的大柵欄, 之後附近買生果 (4月時令為草莓) 和到了菜市埸買新鮮蔬菜

晚飯於大柵欄後面的小巷上.

晚飯後, (老媽指定話要去的景點) 我地打的($70)去鳥巢看一看, 影相半小時後 約9:00pm我地打的回雅詩閣

住serviced apartment好啱一家大小, 有2個bath room可以分批快快手洗澡, 洗澡後可以利用洗衣機/乾衣機大清洗, 之後大家一齊坐埋食水果燒夜. 北京之旅, 故宮和長城總算完成了, 而明天將會是hea hea的一天.

3個房間 5個人住 是太舒服了, 如閣下夠胆, 我覺屈蛇應該可住夠6-7人 XD