Day5 北京之旅

今日星期一係北京之旅的最後一天, 亦係愛人在京出差開工的第一天. (愛人第一次出外出差/工幹, 佢會於下午時間會合北京辦事處同事 在北京展覽會 工作5天)


我地4人(老爸,老媽,我,阿囝)會先回港, 飛機為晚上7:15pm, 而愛人會4月26日才回港 (詳情已不在此旅程紀錄) 尋日已經通知定酒店今天我地會延遲2:00pm退房 (如有心late check out既網友, 不妨一試早一日同職員講, 因為航班為夜機走, 可否要求延遲退房)

 今早早上起身, 我倆到附近食西式包點和咖啡做早餐 (而老爸老媽阿囝留在酒店房間食自家早飯+午餐肉), 之後我倆在酒店附近步行一周 (原本諗住睇下有冇手信可以買, 但結果係無).

5星級酒店實在係好好服務, 我地每晚都叫服務員再送6支水比我地( 作為煮食之用) 

 我地12:30pm係酒店房間午餐 (多謝老姐借來電飯煲, 未出發前會覺得好多餘, 但原來身在外地, 一家人圍在一起食住家飯, 感覺十分窩心)

 我食飽坐係大沙發上, 睇下佢地幾咁溫馨午餐.

下午2:00pm checkout了,在雅詩閣大堂留影, 大堂都幾靚, 值得推介, 有機會網友們您地一定要入住下. 

之後我地打的前往展覽館既酒店check in, 由住天堂轉回入住凡間了 T_T

展覽館好近國際機埸, 而呢間藍天酒店(近展覽埸館)乃國營酒店, 格局上好有大陸風格. 

 下午4:00pm 我地4人打的前往機埸 check in準備回家了. 

呢幾日都無乜見過香港人, 又再從現眼前.

 出發時行李喼21kg, 回程輕了3kg.(帶左好多食物)

 下午4:00pm, 同一個時空之下, 愛人已經身在北京展覽埸館, 開始佢一週既辛苦之旅了.





埸館距離機埸應該不遠. 

在回家的路途上, 我問阿囝: 「你掛唔掛住媽媽呀?」

阿囝: 「掛呀, 我想佢快D返黎呀, 你呢?」

我答: 「我當然掛住啦」

我心裡想「而北京, 我亦會好掛住您! 多謝!」.

對於我來講, 北京係一個好特別的地方, 我一生都唔會忘記的. 記得199x年8月份大學一年級暑假, 我跟3位友好 (中學同學) 第一次坐飛機由啟德機埸出發 (亦係我唯一一次啟德機埸) 正是前去北京. 第一次出國北京旅行, 所有野都是新奇刺激又好玩的. 那些年, 北京的景象, 有幸我今天又再重玩一次, 多謝您! 

【 全文完 】