早早計劃中: Day1 北京之旅

今個旅程, 一家三口+兩位老人家共五人前去. 下午15:15起飛, 我地約12:30到達, 好快咁完成checkin手續再過關, 之後13:30先吃午餐 (午餐要食飽D, 因為怕左香港航空既飛機餐 -__-! )

原來港航係一架細機 (2 4 2 坐位) 我地到左指定gate後, 要再坐駁巴士直到飛機之下, 令我想起好耐以前去澳洲坐內陸機都係直接由地面上機 (其實感覺良好, 可以親身睇一下成架飛機)

!!!
以上乃我真身體會, 原來港航並不是想像中之差, 它有個人娛樂系統, 機上有齊電影/打機/卡通....(反而比想像中差的是, 我睇左寒戰, 一般而已...XD)

同樣的, 飛機餐亦OK, 雞肉配麵，右上方是百福豆腐花，即時吃都幾新鮮好味。　整份餐都不俗。

(好容易引起我將港航同港龍做比較：多年前，我曾坐港龍去夏門, 機內舊, 電視系統佢有乜你睇乜, 無得選擇, fire)

飛北京大約3小時到達, landing時剛好黃昏6點幾, 天色幾靚 ^^

去中國大陸旅遊, 多數利用搜狗地圖, 我從ctrip訂了2晚 cheap cheap 2-3星的酒店,平價而近市中心, 因為北京市地方大,選一間出入方便而近公車/地鐵可節省不少時間和腳力.

北京凯创金街商务酒店(CNY$412), 套間, 一間房可以住4人, 而我地訂了2個套間 ^^

呢間酒店, 說實位置是一流,但始終3星級酒店,條件不是太令人满意, 我亦唔會建議各位入住, 計劃時因考慮如下:

(1) 近王府井, 方便行街食野, 唔使周圍揾
(2) 因為晚機黃昏到達,打的前去酒店再check in再晚飯基本上已經係10點既事，返到酒店洗澡即瞓，再星級都要合埋眼瞓啦。
(3) 因計劃Day2之程係全日戶外行程.