Day3 北京之旅 (上)

清早起床,到酒店附近食過早餐 (揾一間最多人進食中), 簡簡單單的包子/豆漿, 之後步行出王府井大街

 這是王府井大街 APM, 配上大大個Apple 感覺幾香港.





王府井大街已經全日24小時列為步行區, 晨早大街上可以好舒適咁直行 (同我十幾年前既印象完全唔同晒) 

步行區內見有幾名鬼仔係度踩板, 我都覺得好過癮. 

 我地步行到王府井站, 再坐地鐵到天安門東站, 今天早上先到天安門廣場行一下, 去感受一下人流及氣氛.

 由於我地中午會check out轉酒店, 計劃下午先會入故宮遊覽, 今天早上只會作慢遊天安門廣場, 而我作出一番講解: 「從前的官如要上朝參拜, 要先經前門而入, 路過此一大廣場, 再進入皇宮, 未入皇宮見皇上體力已經用左一半」... (以我當年遊故宮經驗, 早上入故宮會更為辛苦, 因為好多團, 好多人都係早上入內, 太迫人了, 而結果當年我和3位朋友要到下午3點幾先返出來, 超級肚餓.)

 人民大會堂, 我地只遠觀而無行近.

 同一般遊人相反, 多數遊人係由前門而進而向故宮方向直行, 但我地反其行, 我地由天安門東背著故宮往前門方向走, 一來唔使跟著人潮行, 二來我地乘坐地鐵(天安門東站)係好少人的. 相反前門站好多人.

 我跟老爸老媽說, 「嗱, 呢度係人民英雄紀念碑, 當年八九六四重要地點, 學生們正是爬係碑上」 他倆親身來到見到內心有點兒激動, 記得我當年第一次來, 亦的確內心十分感觸.

現在的人民英雄紀念碑守衛好深嚴, 中間的地方已經被重重圍上. 而長長的人龍排隊係前往毛澤東紀念館的. (我地無去, 亦唔明點解咁多人排隊去) 

反方向而行的確係人少D

到達前門站, 本來諗住打的回酒店, 但其實係天安門廣埸一帶係無可能揾到的士 (想像一下, 幾千/幾萬人係廣場上, 點可能爭到到一架的士)

 早上11點幾, 回到灯市口站, 酒店check out, 終於可以同3星級酒店say bye. 後會無期.