今朝9點才起來, 我地一齊落雅詩閣樓下附近食早餐
去左永和大王食包子/豆漿/面餅, 但食物好一般. (去過世界唔同地方, 我真係好覺, 香港既早餐水準真係好高, 有中式有西式, 旅客到港今日可以食茶餐廳腸仔旦, 聽日可以上酒樓食點心, 再下一日可以簡簡單單食下西式包. 自我感覺香港真係好好)
食完早餐, 係雅詩閣附近行左一圈, 呢一區其實係商業區, 有幾楝商業大廈, 好多白領人士返工 (HP tower) 而雅詩閣對象應該係呢度做野既高層人士.
10點幾, 我地回到酒店, 之後去左3樓既室內游泳池游水 (戶外氣溫大約15度)
室內游泳池係暖水, 亦有熱水 jacuzzi 玩下. (看相時鐘, 我地11點到達玩 )
游完水洗澡後, 阿囝去左兒童遊戲室玩, 不過波波池就唔好玩啦 (怕好易有病菌)
12點幾, 我地上番5樓, 之後大家開始做午飯. 尋晚係大柵欄買既新鮮蔬菜再配合老媽帶來既罐頭, 我地係酒店自己煮午飯.
圖中, 電飯煲係我地(問老姐借)自己帶來的, 而筷子亦係 (大家不妨一學, 因為國內用完即棄筷子好多病菌, 宜自備上京)
大家輕鬆愉快咁度過一個中午, 再休息過後, 下午3點我地出發今日的行程.
我地直接打的前去恭王府
一落的士, 已經見到好多人力車
恭王府感覺比故宮細緻, 好多門戶 窗框 亦保留到昔口既氣魄, 相反, 可能故宮太多後期加工再維修, 反而處處人工少修少補, 變得好假, 失去左皇宮既氣勢.
我地約參觀左個多小時, 之後離開, 出王府之後, 我地和珅似的 乘坐2架人力車送我地去後海附近一帶 ($10一架, 只坐幾分鐘, 當扮下大爺) 之前打的前來, 我地路程上見到后海一帶風景好靚, 見到后海有船仔坐. (其實正常地點應為前海)
人力車只送我地附近, 之後我地以坐的士印象步行到達了荷花主埸, 連我亦大讚, 「嘩, 眼前景色好靚!!!!」
原本計劃的行程我地會到 鐘樓/鼓樓 參觀一下, 不過來到前海眼前景色好靚, 而大家都好想坐下船仔輕鬆一番 (唔使用腳行)
之後我地走到出租船家舖位, $180 一小時, 租左一架電動6人游船, (如平可以玩腳踏式, 但好花腳力)
今次北京之旅行程, 既上山(長城)又下海(前海), 我地5:15pm開始出發,順便一陣可以湖中看夕陽, 感覺一下當年和珅大人既遊樂.
兩旁景色都好靚亦好美化.
遠處所見, 應該係原本計劃之下去既鐘樓/鼓樓!? (估)
我地穿過前海同后海之間既銀錠橋 (原本計劃係步行橋上) 開船直接前往后海
電動式游船好簡單, 一個開關制向前向後, 手控制左右軚, 阿囝自己渣都無問題, 佢大聲同大家講: 「好野, 我識渣船啦!」
6:15pm回程還船 (一個小時船程已好足夠), 之後順便影底價目表.
阿囝渣船送我地安全著陸後, 我地順住路向南鑼鼓巷方法步行, 去到一間小士多, 買左3大斤草莓 (老爸不停說, 好甜好好味, $15一斤好抵, 係香港買唔到)
註: 我地曾經係香港士多啤利園睬要$60 - $90一磅
老媽亦順便買定新鮮蔬菜做明天午飯
之後我地到達南鑼鼓巷, 我地只行左入去一陣, 因太過商業化亦無乜特色, 15分鐘後走番出黎, 之後打的返雅詩閣樓下晚飯.
是夜我地回到酒店, 品嚐又甜又新鮮草莓 (呢部份大約為2斤, 預留1斤明天中午食)
從來我計劃去旅行, 都比較喜歡採取先苦後甜式, 即上半部探索式, 而下半部份輕鬆渡假, 開心之餘亦可以滿足眼界.
No comments:
Post a Comment