Day5 新加坡之旅

今日9點起來又到餐廳食至愛的牛角包早餐.

早餐時,我地作出了今個旅程的賽後檢討, 大家都認為一個5天的旅遊,最好安排應該是2晚+2晚的酒店住宿, 可以看多一點, 玩多一點, 和食多一點. (因為今次行程事前忙著搬屋,而沒有時間計劃和安排)

早餐後, 我地步行到外出的Siloso Beach, 尋晚阿仔話砌左個城堡,還指定今早一定要媽媽去欣賞一下! 呢個就係了@@

媽媽說: 「幾靚呀, 我地下次再有機會來, 一定要再黎探訪佢.」

阿囝回: 「我下次再砌一個更大更靚的.」

PS. 我相信聖淘沙將來會開發多一個熱門景點 --- Castle in Sentosa.

10:30AM 我地在酒店游泳池再游水, 今天陽光普照, 天氣明朗, 我地心情亦特別好. (不用怕因風雨而影響今日回港行) 

正午12:00pm, 我地check out酒店和離開Siloso Beach Resort

坐Beach Tram到Beach Station不用2分鐘.

在Beach Station旁的iFly 外觀好有型.（Day2 晚我地有入內睇遊人玩空中飛人)

我地站在Beach Station上, 再拍影留念, 聖淘沙島再見了, 後會有期. 

我地坐單軌火車到Vivo City再坐的士直接前往新加坡T1機埸. 

我地來回程都購買了Jetstar的25kg luggage 卓卓有餘.

我地第一次坐廉價航空公司, 其實同一般航空公司差不多. 

好快的寄完行李後, 我地走到一間港人好聞名的Pandan Cake購買手信 (店舖位置於未入海關前)

Pandan Chiffon真的很美味. 

入海關後, 我地看到新加坡機埸內有一個新穎的高科技生命樹, 很好玩的.

在Kiosk有webcam會先影下我地的大頭相, 之後會自動project到生命樹上, 好玩又得意. 

8:00pm我地順利的回港了, 過關完全不用等, 回想Day 3在新山苦等了一個小時過關回新加坡, 十分惱人. 

回到家中, 阿囝急不及待要.打開和砌Legoland購買的超人玩具(Hero Factory系列), 他當然大愛.

 (一星期後, 我發現, 原來在香港買同一產品, 至少平3份之1, Orz~~)

[ 全文完 ]