Day2 新加坡之旅

因為昨晚11點回酒店12點上床去睡, 今早9點半才起床, 之後到1樓的餐廳食早餐, 有中式包子和燒賣, 我至愛~

此酒店應有一半香港人入住, 而另一半為外國人, 餐枱周圍都是熟識的港音. 而餐廳對出是一條Beach Tram馬路, 行過馬路就是沙灘.

右圖,我地大約在 * 位置上. 2A站在餐廳正出面, 交通出入十分方便(先坐一分鐘Beach Tram 再坐幾分鐘Monorail可以到達島外的Vivo City食飯) . 

而我昨晚發覺入住近Beach Station好處是比較休閒, 不會太多人和monorail不用排隊, 因為大多人會選擇入住Resort World Sentosa, 每次坐乘Monorail都看到好多人於Waterfront Station排隊 (我地Day 4 會遇上)

早餐後, 我地走到對面的沙灘四周看看, 景色怡人.

但沙灘出面其實停泊著好多大貨輪, 即時失去興趣在沙灘上游水.

水清沙幼, 椰林樹影 ~~

轉身看回酒店, 位置實在很好~~

之後我地走回酒店頂樓 (8樓) 遠遠可以看到沙灘景色~

此酒店依山而建, 山腰部份(5樓)為游泳池

11點我地換上游泳衣休閒地游水~

小朋友至愛的滑水梯, 乃選取入住此酒店的其一目的.

Siloso Beach Resort 定位為近沙灘, 多樹蔭, 親近大自然的渡假酒店, 住了一晚感覺此酒店環境良好. 難怪Agoda的評價不錯.

游水後,我地中午坐monorail到達Vivo City 怡豐城 食午餐, (此酒家身在monorail出閘果層) 話說囝囝在門口看到此酒家內的椅子十分舒適,他建議要入內食飯.

真心的要讚囝囝的眼光和選擇, 此酒家的出品好食又不太貴 (結果, 成為了我地的飯堂) 我地三人午餐食了SG $40, 應該比聖淘沙島內進食要平.

午餐後在Vivo City商場行左一陣, 之後再乘坐單軌火車回酒店房間休息和打電話到旅行社. 因為要為明天出發去新山的Legoland而作一點行程計劃.

休息後,我地再出發坐Beach Tram去4A站 (Siloso Point) 再周圍閒逛.

於Siloso Point沙灘上,我看到了一個十分精彩和刺激的玩意 Megazip (http://www.megazip.com.sg/) 

話說此玩意在歐美好流行, 但亞洲好少地方有(安全而又好玩), 我即不停的推薦愛人和囝囝一齊去玩玩, 他倆在半推半就之下齊齊買票參加.

買票後, 有爬山車送我地到山上, 身處高高的山上, 此時囝囝先開始知驚, 原來我地一陣要游繩而滑下. (而我亦有少少驚)

我地站立於山上, 一陣會滑繩而下,重回Siloso Beach (又一次, 我覺,點解香港太平山唔引入呢樣刺激又好玩既玩樂遊戲呢??? ), 其實佢原理好簡單, 身上的穿繩安裝上, 之後放手飛落山.

玩完後, 囝囝大讚好想玩多次 XD.(佢已忘記了之前驚慌的神情,哈)

之後我地四處於沙灘上閒逛, 到黃昏時份我地再坐單軌火車去Vivo City 飯堂食晚飯 

在單軌火車上, 我地遠遠看到麗星郵輪.

晚飯後, 我地回Beach Station, 之後到附近的iFly看遊客玩空中飛人.

是夜, 我地早點回酒店, 早點休息了, 因為明天將要7:00am起床.