活著FIFA

FIFA Pro Club (玩玩)

1) 走位幫波意識
幫波即係要企係帶波隊友(被對手追逼時)既附近，而且又容易交到波比你既位置，
不能太遠而且唔好比人mark住。比人mark 住就換一換位拉開佢。拉都拉唔開就出前迎。
一般在帶波隊友斜前 or 斜後最為合適。務求做到帶波者有多個交波選擇。
理論上如果走位幫波做得好，隊友之間無可能會交失波，就算亂咁交都交到比隊友。所以兩方都有負責。

2) 交球選擇
唔好一味向前面傳，去唔到就唔好去，要安全為上。因為每次控球都是一個入波既機會，
失波卻變成對手反擊機會，而且交後再彈前既時間也只不過一秒半秒，不會拖慢進攻進度。
就算真的拖慢了，最少也控球在腳再做機會。因為每一次進攻無射門就是一個失敗的進攻。
另外幾時短傳，幾時放直線是一個重要課題，呢個課題其實多一點打電腦可以練習得到。
暫時亂放直線既情況太多，大部份時間是因為自己隊友無跑又放直線，或者隊友(前鋒)身後已有後衛包而又放直線因而傳失波。

直線波可以說是易學難精，所以小心，要多點觀察對手及隊友走動。

3) 保護皮球意識
有時隊友唔一定次次都交到個靚波比你，一接就後面有人逼埋黎。所以唔好次次都轉身。
這情況可以回傳，回傳危險就走後一步去迎個波等對手撞唔散你，之後用個背部向住對手，按實Skill Move制亦可以保護皮球。之後再找機會橫傳隊友。

4) Crossing
首先當然要set semi。 另外邊線球員要多留意禁區內既隊友，走到落底看看後面有無人幫你，無人幫就一定要出波(第一時間！)
，因為落到底又有人mark，超級高手都扭唔番出黎。同時當見到有人落底高既前鋒要走位啦，幫波既工作就等短仔去做啦。
如果邊線有人幫，就可以交比附近隊友，之後入zip 禁區，呢個就係邊線球員既入波既最好機會，唔洗驚次次出波無份入波。
不過入zip 禁區隊友轉o左邊 or 做了Crossing，就要即刻出番禁區，等回彈球，因為第一禁區不能長時間咁多人，會阻住自己人射波，第二就好像打籃球一樣要在禁區外搶 rebound！這也是進攻後的第一度防守。一定要做好。

5) 交球既timing 
有時交波太快同太慢。太慢係因為接波前無計劃好交比邊個隊友，有人逼的話，接到波先選擇就已經好遲。
呢個係交球上advance 既技術，交到波無失已經唔錯架啦完成任務，不過如果無人逼既時候，
有空擋的話可以更冷靜去處理會更好。如果有空擋的話，等隊友走好位先交，交波交得好這樣可以幫個隊友走甩一個後防，
不用隊友自己扭波過人，這是才是短傳威力所有。 (any 可以原諒，明白有時會身不由己。盡力已為吧。)

6) 跑制運用
FiFa 世界裡跑得快唔代表好世界，跑既時候皮球最離身，轉向唔靈活，射波無準。一般跑制用如走位上和過了人空晒之後才起跑。
所以RT 要小心用，前面有人就唔好跑，跑到失晒控，爆speed 要爆去空位度，唔好爆落個後衛度。

7) 防守: CDM太上，後衛標波
第一 CDM 太上，在其它post 上也有人說過了。中場太上後衛電腦會自動補中場位，被有反擊時常常聽到有呢句:點解咁空既！？
就係咁解.......其實大家打左fifa 咁耐，每個人入球量無 1000球也有 幾百球啦。唔明點解仲咁想入波。入到波唔代表就係好波。
打好自己個位才顯出真功夫方為大師傅。明白CDM 入球機會相對前場少，但沒打好自己位置就是失職了。入了球也不算得上很好波嘛。真的打得悶了，其實可以問問隊友拿個前場玩一下，我相信大家也很樂意。前場直的太多人了，。進攻會很亂。
另外後衛人少打人少時，比例2打2，3打3時，就一定不能標，標一個就會無一個，要"行"住。因為標波是最容易比人扭過的。擺一擺就可以過。喜歡扭波的人最怕就是後衛唔標，兩邊都無位過，過了又被後衛拉番住。第二可以拖延時間等中場回防幫拖。快攻中場一定回唔切的 ，除非有個特別醒神防中，所以唔好急，要拖到有人黎幫拖。(當然明白any 唔易打，Fifa 10 更加是易攻難守。)
另外，所有中場都有責任防守，包括rm lm cam cdm, 邊既守邊中既守中。一定要mark 人！一場波中場無時無刻都有工作的！衰D講句無野做都要找野做，防守時無時無刻都要找人mark。 CDM 更加要幫後衛標波防遠射，同埋補中堅位置。盡力已為！不要偷懶企家家而等波到！


8) 咪玩野
有時對D 對手比較弱，都無謂玩人地啦。第一人地無品唔代表我地都無品，第二又唔係真係超勁，不如正經D打，贏走佢好過，第三我地有好多基本都未做好就學人玩人，咁不如練習組織好過啦。要扭就向前扭，咪鬼向後扭，羞家死人。第四一個人玩野七個人悶場，想講粗口。