最近一連食左2餐中同移民飯局, 感覺幾傷感. 飯局上我問舊同學睇法, 理由大多以"感覺行先" 例如:
1. 頂唔順而家既香港, 所以好想走.
2. 唔鐘意中共, 所以想走
3. 感覺香港越來越中國, 想溝淡香港人, 所以要走.
我覺得好奇怪, 現實係, 世界在變, 中國在變, 香港都在求變, 而我地就係要去適應現今社會既變化而作出最壞打算同最好既準備. 既然可以作出一個咁決絶既環境轉變而出走香港, 點解唔做好最好既準備去迎接未來30年既環球大變化來臨, 香港係機會處處. 更何況逆向思維去想想, 移民英國, 當地人一樣會覺得香港人在溝淡英國, 未來幾年英國既行動同變化不堪設想
飯局上我並無潑冷水, 而我反而覺得香港人係好幸福, 可以有得選擇亦可以賣樓賺錢走人(舊同事賣左層自住3房, 應該有一千個), 一切都係自己有得揀無人迫害.
以"感覺行先"係好可怕既事物, 它會阻礙左判斷能力, 好多人就係因為感覺呢2個字而做左淡淡, e.g.感覺樓市會跌,感覺上車樓太貴, 感覺CCL一定唔會只升不跌, 覺得自己係估神, 覺得係呢個政府既錯, 從而錯失左好多眼前事實.
為左下一代著想，而放棄上一代... 無言以對
No comments:
Post a Comment