樓市前瞻 2021

 2021年1月：未來三年我係睇好樓市將會有力向上升 

1，老美長期加唔到息 而再次QE去提升經濟之下，市埸上金錢實在太多

2，美元超弱，好多人開始驚港仔會長期被拖累，要搵方法去減少貶值損失

3，疫情無人知幾時完，而香港作為7百幾萬人口既密集城市 每日只係幾十宗個案，相信明天會更好

4，疫情之下大家都無得旅遊，亦減少好多外出消費，打工仔儲蓄 儲首期係可以好快 

5，樓市懶人大法，企係好友一邊基本上贏面係好高，呢點明就明，唔明既永遠唔會明

2021年6月 更新:

話說上年年底趁第四波加上5+1效應時我就出手去也, 原因同睇法就以上而不再詳述了. 當時睇左7-8間而心儀+合價錢就有2-3間,如下:

• 第一間景觀係最開揚,所以實呎係最貴, 但業主持貨能力好強, AA答點都唔肯減只好放棄

• 第二間就睇得出急賣, 睇樓時見已經搬走左大部份傢具, 疑似急於離開香港而想急賣可以講價,當時我心諗不如大力鋤價10%而AA亦話可以一試, 但10樓以下加上困景觀而感覺不太舒服, 所以價錢說明了一切, 相對係最平

• 第三間就靚裝+有景觀+價錢合理不超出預算 (第二同第三間相差大約3X萬), 當時我同太太睇樓只係睇左15分鐘, 問AA可否減幾萬就快狠準地簽臨約,全過程不出2小時已經成事,因為靚裝價錢係3間之中最貴

之後我就快速60天成交再做小型裝修,完成後就馬上由本來自住3房搬到2房居住,之後3房單位就再裝修一番再放租去,全過程共花6-7個月完成

回望番呢半年時間, 大市係止跌而回升, 而移民潮亦影響唔到樓市, 而租賃市埸係小小跌左, 我係用左3星期就出租到, 租金係減左5%.

最後, 我係好同意樓市專家汪敦敬一言: 勿受困自身眼界, 忽視樓價續升的理由 (大家加油)