#好有共鳴
喺英國探親咗個幾月, 經過熔斷機制, 再加埋酒店隔離七日, 終於返嚟香港屋企啦。
突然間,唔慣通街啲人戴口罩 ,我喺嗰邊雖然有戴口罩，但係眼見通街啲人冇戴口罩 ，
另一感覺, 通街都係華人 ,喺英國. 通街都係西人, 就係返咗自己地頭.
上次講過, 英國 (倫敦以外) 好難搵廁所, 搵到廁所, 好多都係要收費, 收費嘅廁所 ,都係清潔一般. 唔似得香港嘅商場廁所, 又乾淨, 又靚.
上次係列斯去到一處維園咁大嘅公園，當然係搵極都唔會有廁所 ,見到當地啲女人,圍住條大毛巾，行入草叢嗰邊行, 都係就地解決㗎喇.
香港交通燈好舒服,向前上望,睇到綠公仔.又會有嘟嘟聲 (計時) 提示你.
喺英國就要左右望, 唔方便,仲要計埋單車紅綠燈, 即是又要等耐啲.
而家係香港天氣暖好多 , 到商場裏面有冷氣, 係英國未感受過.
香港開始熱, 泳池啱啱開放, 可以游水.
去英國啲酒店, 未見過有泳池， 又真係冇諗過喺嗰邊游水, 嗰度啲天氣凍, 就算見到有太陽, 都係凍。
